අපිට අඩන්න තහනම්ද??

by Damith Sriyantha September 17, 2012 15 ප්‍රතිචාර එදිනෙදා නොමැකෙන මතක මට හිතෙන දේවල්

 

පිරිමි අපි දුකක් ආපුවහම කෑ ගහල ඇඩුවේ නැති උනාට ...හිතේ ඇවිලෙන ගින්දර,දුක දන්නෙ අපිම විතරයි....

ඒ හැම දුකක්ම දරාගෙන හැමෝමව සනසලා තැනට සුදුසු දේ කරන්න තරම් අපේ තාත්තල උතුම්,ශක්තිමත්.....


පිරිමි අඩනවා ඒ කාටවත් නොපෙනෙන්න.ඇයි ඒ?
අපි කැමති නෑ කව්රුත් අපි නිසාවත්,අපි වෙනුවෙන්වත් දුක් වෙනවට,අපේ දුක දැකල තවත් කෙනෙක්ගේ දුකක් වැඩි වෙනවට..

බොහොම කලාතුරකින් පිරිමියෙක්ට ඇඩේවි පිරිසක් ඉදිරියේ.ඒ පාලනය කර ගන්න බැරි තරම් අපමණ දුකක් හිතට දැනුනහම....
එදාට ඔබ ඔහු දිහා බලල කියනවනම් "ඉකේ පිරිමි අඩනවද"කියල..

හිතන්න...
ඒ කියමන කොච්චර වැරදිද කියල,ගැහැණු ඉකි ගගහ,කෑ ගගහ අඩනකොට,විලාප තියනකොට පිරිමි අපි නේද හැම දේම බලා කියාගෙන ඔවුන්ව සැනසුවේ...
ඉතින් පිරිමි අපිට අඩන්න තහනම්ද??ඇයි අපිට දුක දැනෙන්නෙ නැද්ද??

පිරිමි අපිටත් තියෙන්නෙ හදවත්,කාටවත්ම පේන්න නොඇඩුවට,හිතින් අපි අඩන තරම්,රෑ නින්දට ගිහින් හිතේ දුක කියා ගන්න විදියක් නැතුව කොට්ටෙ හපා ගෙන ඉකි බිදින සද්දෙවත් ඇහෙන්න නොදී අපි අඩන තරම් දන්නෙ අපිමයි.....

හදවතේ හිරකරන්,තෙරපාගෙන හිටපු දුක් ගොන්න එක වරම එළියට එද්දි,මේ හදවත පැලෙන්න එනවද කියලත් හිතෙනවා..

පුංචි දේටත් ඇඩුවෙ දෙඩුවෙ නැති උනාට,අම්මල වගේම තාත්තලත් හිතින් අම්මටත් වඩා අඩනවා.හිතේ දුක් ගොන්නක් තියන් අම්මවත් සනසල දරුවනුත් සනසල,මේ මුළු සමාජෙම සනසන්න දරන උත්සහය දන්නෙ තාත්තලමයි.....

පිරිමි අපිත් අඩනවා...එහෙම දැකපු දවසකට හිනා වෙන්න එපා...එවෙලෙට අඩන්නවත් අපිට අවසර නැද්ද කියල හිතේවි.දුක තවත් වැඩිවේවි....

Dimuth Madushanka සොයුරා බුකියේ(මුණු පොතේ) දැමූ අදහසක් දැක මේ ටික ලියන්නට සිතුණි....
කාලෙකින් බ්ලොගේ පැත්තෙ ආවෙ,කට්ටියට මාව මතකත් නැතුව ඇති දැන් නම්,කොහොම උනත් ඉදිරි දින කිහිපයේදී අහපවූ බ්ලොගේ ලියමනක් දෙකක් දාන්නම්කො....
ඔයාලගෙ බ්ලොග් කියවන්නවත් බැරි උනා,ඉදිරි දින කිහිපයෙදී විවේකය තියන හැටියට ඒවත් කියවල බලන්නම්කෝ....

එහෙනම් ඉදිරි දවසකදී අහපවූ හමු වෙමු...ජයම වේවා!!!