අද මට ගොඩාක් ගොඩාක් විශේෂ දවසක්.....

by Damith Sriyantha October 09, 2012 12 ප්‍රතිචාර ආදරය සහ විරහව එදිනෙදා නොමැකෙන මතක මට හිතෙන දේවල්

මම පුංචි කාලේ තාත්තයි මායි අම්මයි ...

 

මේ ලෝකෙ මම වැඩියෙන්ම ආදරය කරන අය අතරෙ ඉහලම තැනක ඉන්න මගේ වීරයා,මාව ගොඩ නගපු,පුංචි පුංචි දේවල් වලින් ජිවිතේ ගොඩාක් ලොකු පාඩම් උගන්නපු මගේ ජිවන ගමනට ගොඩාක් ලොකු අර්ථයක් දුන්නු මගේ ආදරණිය තාත්තගේ උපන් දිනේ අද......

පුංචි දවස් වල තාත්තා අපිට දඩුවම් කරපුවහම,තාත්තා අපිට කරන්න කියපු සමහර දේවල් නිසා මම තාත්තට ගොඩාක් ෛවර කෙරුවා,ගොඩාක් කේන්ති ගත්තා,සමහර වෙලාවට ගොඩාක් රිදෙව්වා....

ඒ දවස වල හිතුනා අනේ තාත්තා මට ආදරේ නෑනෙ කියල....

නෑ තාත්තේ මට වැරදුනා...

වයසින් අත්දැකීම් වලින් වැඩෙද්දී මට තේරුණා මගෙ තාත්තා පිටින් නොපෙන්නුවට අපිට,මට කොච්චර ආදරෙයිද කියල.මම තාත්තව තේරුම් ගත්තා.තාත්තා කරපු කියපු දේවල් ඒ දවස් වල කටුක,නීරස දේවල් විදියට දැනුනට අද වෙද්දී මට තේරෙනවා ඒ දේවල් මට ජිවිතේ කියන්නෙ මොකක්ද කියල කියල දුන්න නේද කියල....

තාත්තා ගොඩාක් දේවල් මට ලබා දුන්නා...තාත්තා නොහිටින්න මට මේ තරං දැනුමක්,ශක්තියක් කවදාවත්ම ලැබෙන එකක නෑ.තාත්තා කියල දුන්න දුක කියන්නෙ මොකක්ද ජිවිතේ ජය ගන්න හැටි හොද ෙපෟර්ෂයක් ගොඩ නගා ගන්න හැටි තාත්තා කියල දුන්නා......

මටම අදහන්න බෑ තාත්තා මේ තරම දේවල් මගෙ ජීවිතේට එකතු කලාද කියලත්....
තාත්තා දන්නවා මම තාත්තට ගොඩාක් සමීප චරිතයක් නෙමෙයි.අම්මත් එක්ක මම කතා කරන දේවලින් දහයෙන් එකක්වත් මම තාත්තා එක්ක කතා කරන් නෑ....

මම දන් නෑ ඇයි එහෙම උනේ කියල...
ඒ කොහොම උනත් මම තාත්තට හැමදාම ගොඩාක් ගරු කලා.මගෙ තාත්තා ගොඩාක් ආදර්ශමත් චරිතයක් ,ඕනෑම තැනක ලෝකෙ ඕනෑම තැනක,ඕනෑම කෙනෙක්ට මම බය නැතුව කියනවා මගෙ ලෝකෙ වීරයා,මගෙ ලෝකෙ හොදම පිරිමියා මගෙ තාත්තා මයි කියල.ඒක අදත් හෙටත් හැමදාටමත් එහෙමමයි.....

තාත්තගේ ෙපෟර්ෂය මට ගොඩාක් දේවල් එකතු කලා...මගෙ තාත්තා උම්බලකඩ කෑල්ලක්වත් කන්නෙ නැති නිර්මාන්ෂි පුද්ගලයෙක්.සුරාව සූදුව කවදාවත්ම කටේ තියපු නැති කෙනෙක්.කාටවත් කරදරයක් නැතිව ගොඩාක් දුක විදලා තනියම ගොඩ නැගිච්ච කෙනෙක්...කිව්වොත් දෙයක් කිව්වා..හරිම ශක්තිමත් .කාටවත් අත පාන්නේ නෑ...තාත්තා විදපු දුක් වලින් සීයෙන් එකක්වත් මම විදින් නෑ...තාත්තා ඒ තරමටම අපි වෙනුවෙන් ගොඩාක් දේවල් කරලා තියෙනවා..

තාත්තා මට කියල දුන්න තමන් මහන්සි වෙලා ලබා ගන්න පුංචි දේ ගොඩාක් වටිනවා කියල.තාත්තගෙ නිශ්ශබ්ද ජීවිතෙන් මම ගොඩාක් දේවල් ඉගෙන ගත්තා.තාත්තගෙ අතීතෙන් මම ගොඩාක් දේවල් ඉගෙන ගත්තා.

මම දැනුම තේරුම් ඇති කලෙක කවදාවත්ම තාත්තගෙ ඇස් දෙක දිහා බලාගෙන කියල නෑ “තාත්තේ මම ඔයාට ගොඩාක් ආදරෙයි”කියල.මට එහෙම කියන්න ශක්තියක් තිබුන් නෑ.ඒ තාත්තයි මැයි අතර පරතරය ගොඩාක් වැඩි නිසා වෙන්න ඇති..

ඒත් මම තාත්තට ගොඩාක් ආදරෙයි....සමහරවිට තාත්තා මේ දේවල් දකිනකම් හිතන්න නැතිව ඇති තාත්තගෙ පුතා මේ තරම් තාත්තට ආදරෙයිද කියල....

ආදරෙයි තාත්තේ ගොඩාක් ගොඩාක් ආදරෙයි......
මෙතෙක් තාත්තගේ ෙගෟරවයට කැළලක් වෙන කිසිම දෙයක් මම කලේ නෑ...ඉදිරියටත් එහෙමයි...
උපදින හැම ආත්මෙකම ඔයාගෙම පුතා වෙලා උපදින්න ඕනෙ....

තාත්තට සුභම සුභ උපන් දිනයක් වේවා!!!
නීරෝගී සම්පත් ලැබේවා.....
මගෙ ආයුෂත් අරන් ජිවත් වෙන්න......

මට සින්දුවක් මතක වෙනවා,මම පුංචි කාලෙ තාත්තා ඉරිදා නිවාඩු දවසේ ගෙදර ඉන්න කොට මේ සින්දුව හැම ඉරිදාම දානවා...තාත්තත් ගොඩාක් ආසයි මේ සින්දුවට.....තාත්තා ලග තියන ජිප්සීස් ගායක සුනිල් පෙරේරගේ ගැසට් එකක හරි CD එකක හරි තමයි මේ සින්දුව තිබ්බෙ....

එදත් අදත් හැමදාමත් මම මේ සින්දුවට වගේම තාත්තටත් ගොඩාක් ආදරෙයි.....

තාත්තා මට ඇනපු ටොක්ක
දවාලේ තරු පෙනුණා
නිතර ඇහෙන සත්තම්වලට
කන්දෙක මගෙ පිරුණා
එදා මට පෙනුණේ ඔබව
සතුරෙක් වාගෙයි තාත්තේ
අද මට පෙනෙන්නේ ඔබ
දෙවියෙක් වාගෙයි තාත්තේ