රජකම ලදිමි....

by Damith Sriyantha March 23, 2013 5 ප්‍රතිචාර ආදරය සහ විරහව එදිනෙදා නිසදැස් නොමැකෙන මතක මට හිතෙන දේවල්

නෙතට ලෙන්ගතුව
හදින් නැගි ආලය
සක්මන් කරමින් වැව රවුම
කීවා මම
"ගොඩාරියක් ආදරෙයි ඔයාට..."

අසුනට බරව
පැටලෙමින් දෙනෙත් යුග
කතාවක් කියනවිට
"බඩුවක් කියන්නද ඔයාට මං"
ඇසුවා කෝමල වදනින් ඔබ

අවසර ලත් සැනෙක
රියලටි ශෝ එකක
අවසන් ප්‍රතිපලය දෙන ලෙසට
තටමා,මා හද බිය ගන්වා
කිවා ඔබ
"මම ආදරෙයි ඔයාට"

සත්තයි සුදු මැනික
දැනුනා මට
රජකම ලද රජෙකු විලසට
දෑගිලි පැටලුනේ
ඒකයි මැනික

හිස හොවා
මා උර තලය මත
හීන් හඩින් මුමුනනකොට
හිතුනා නලලතර හාදු තියන්නට
වඩාගෙන සිනාසෙන්නට

විවර වු මේ හද
දිවි ඇති තුරාවට
ඔබගෙමයි සුදු මැනික
හැම අත්භවයකම පතමි මා ඔබවම...

ආදරෙයි රත්තරන් අසීමිතව..

♥ ♥ ♥