මමයි වැරදි...

by Damith Sriyantha February 15, 2013 21 ප්‍රතිචාර ආදරය සහ විරහව එදිනෙදා මට හිතෙන දේවල්

හැම හවස් යාමයකම මට මෙහෙම වෙන්නේ ඇයි කියල මටම තේරෙන්නේ නෑ.දැන් ඒක පුරුද්දකට ගිහින්ද කොහේදො.දවල්ට මොන මොනවා හරි වැඩ ගොන්නක් අස්සෙ කාලය ගෙවෙනවා.

හ්ම්...

හවස නාන්න යනවා,ෂවර් එක යටදී මම හැමදාම දෙයක් හිතනවා.

"ඔව් මම මේ හැම දෙයක්ම අමතක කරලා මේ මොහොතේ ඉදන් ජිවිතේ අලුතින් පටන් ගන්නවා"කියල.

මොන පටන් ගැන්මක්ද,නාලා ඇග පත පිහදාගෙන කාමරයට ඇවිත් මේසෙ ඉස්සරහ පුටුවේ ඉද ගත්ත වෙලේ ඉදන් අරමුණක් නැතුව හිත අයාලේ යනවා.අනේ මන්ද...ජිවිතේ රසවත් බවට වැඩිය මම නීරස බව දකින්න පුරුදු වෙලා.පරණ මතකයන් හිතට ඇවිත් මට වද දෙන්නම උත්සහ කරනවා.එත් ඒ මතකයන් වෙනුවෙන් විදවිය යුතු නෑ කියලත් මම දන්නවා.ඒත් තේරෙන්නැත්තෙ ඇයි මම මේ දේවල් වෙනුවෙන් තවදුරටත් තැකීමක් කරන්නෙ කියල.මට දැනෙනවා කලින් තිබුන ජවය,හිතේ ශක්තිය මගෙන් ගිලිහිලා වගේ.

හිස් හැගීම් ගොඩක් එක්ක ජිවිතේ වටිනාම කාලය ගෙවිල යනවා.ඇත්තටම කනගාටුයි ඒ අරමුණක් නැතුව ගෙවෙන හැම තප්පරයක් ගැනම.ඒත් පෙරමෙන් අරමුණක හිත පිහිටුවාගන්න මට බැරි වෙලා.

මේ හැම දෙයක්ම උනේ කවුරු නිසාද???මට කාටවත් දොස් කියන්න බෑ.කියන්න හිතෙන්නෙත් නෑ."පාඩුව ඔබේ නම් වරදත් ඔබේ"කියල කියනවනේ.ඔව් මමයි වැරදි.මම සංවේදී උනා වැඩි ඇති.

හිතට එන හැගීම් සිතිවිලි සමහර වෙලාවලදී වෙනස් කරන්න හරිම අමාරුයි කියල හිතෙනවා.